10 November 2017

Is aanlyn kursusse die geld werd?

Of aanlyn kursusse en lesse die geld en moeite werd is, is debatteerbaar. Ook hier geld die ou caveat dat die koper versigtig moet wees, en moeite moet doen om seker te maak van haar saak. Intussen raak aanlyn kursusse al hoe gewilder. Omdat dit deeltyds gevolg kan word, bied dit tydbesparende, bekostigbare opsies aan werkendes om hulle loopbane en kanse op bevordering te verstewig, by te bly met die nuutste tendense, en relevant te bly in die kompeterende arbeidsmark. Verder het nie almal die tyd of die geld om in duur, voltydse akademiese kursusse te belê nie. Vir diesulkes is daar die opsie van e-leer, of te wel aanlyn leer.

Waarop moet ’n kandidaat in die besonder let? Kursusse buite klaskamerverband moet goed ontwerp wees en voorsiening maak vir ondersteuning ten einde direkte kontak tussen student en kursusleier te vervang. Maak dus seker jy kry kwaliteit een tot een ondersteuning. En werk deurlopend en gereeld aan jou modules en take, moenie alles tot op die laaste nippertjie uitstel nie. Vra of jy met huidige studente mag kennis maak en maak seker of jy jou geld kan terugkry indien jy ontevrede is met die gehalte van die aanbieding, terugvoer of kursusmateriaal.

Is jy ŉ kandidaat vir e-leer? Beantwoord die onderstaande vraelys:

· Kan jy onafhanklik en op jou eie werk?

· Is jy gedrewe en gemotiveerd om ŉ sukses van jou studies te maak?

· Wil jy groei as mens en in jou loopbaan?

· Het jy ŉ gebrek aan tyd om voltyds te studeer?

· Het jy ŉ gebrek aan geld om voltyds te studeer?

· Het jy ŉ begeerte om jou kennisvlakke te verbeter?

· Het jy ŉ passie vir inligting en kennis?

· Het jy te veel tyd op jou hande en weet jy nie wat om daarmee te maak nie?

· Is jou lewe leeg en vervelig?

· Is jy toegewyd aan jou loopbaandoelwitte?

Indien jou antwoorde meesal positief is, is jy waarskynlik ŉ goeie kandidaat vir e-leer. Gryp die kans aan en benut dit. Die arbeidsmark is kompeterend en dit vat bloedsweet om bo uit te kom. ŉ Aanlyn kursus kan jou daardie hupstoot gee wat jy nodig het om sukses te behaal, en boonop ŉ welkome aanwins op jou Curriculum Vitae wees.

Opgestel deur Anne Marais

Lees meer oor die publikasiegerigte Skryfgeheime-kursusse

Ons gewildste skryfkursus met die meeste gepubliseerde studente

Tags: geld werd, moeite werd, aanlyn kursusse

Gepubliseerde studente:

NUUSBRIEF:

Kompetisies

Skryfkanse

Promosies

Maandeliks

Skryfstudente gesels:

Dankie vir die terugvoering en hoe jy dit gee. Ek vind die kursus interessant, motiverend en uitdagend, en wens net ek het al hierdie inligting al jare terug gehad. Om in te skryf vir jou kursus was een van my beste besluite ooit. Yvette Bester

Dankie vir jou opbouende woorde. Jy het geen idee hoe baie ek al klaar geleer het vandat ek met hierdie kursus begin het nie, jy het regtig geen idee nie. So baie dankie vir al jou hulp. Judy de Bruin

Ek geniet die kreatiewe skryfkursus baie en sien dat dit totaal anders is as om feitelike beriggewing vir die koerant te skryf. Baie dankie vir die goeie kommentaar op die vorige werkstuk. Gert Kruger

Baie dankie vir jou kommentaar, dis in die kol ... ek is oopkop in die ding in, en doen dit absoluut vir die pret en om myself te ontwikkel, en neem nie kritiek persoonlik op nie. Sanél Hopkins

Dis amper soos om 'n nuwe taal aan te leer. Elke konsep wat jy snap, maak skielik tien deure oop! As ek nou die opdrag moes oordoen, sou ek reeds baie dinge verander het. Ek sal 'n paar dae lank rustig deur alles gaan en aan die storie skaaf. Daarna sal ek wegspring met module 2. Sien reeds uit daarna. Molly Lubbinge

Die kinderboekkursus is regtig opwindend en dis my plan om teen die einde ’n volledige manuskrip te hê. Albert Short

Baie dankie vir jou terugvoer, ek het al baie soorte kursusse gevolg en joune staan kop en skouers bo die res uit. Plus, jou terugvoer beantwoord elke keer alles waaroor ek gesit en wonder het terwyl ek skryf. Die enigste probleem is ek wil nie hê die kursus moet ooit ophou nie, ek geniet dit te veel. Melanie Pienaar

Jou terugvoer het my van vooraf geïnspireer. Dankie vir die moeite wat jy doen en die tyd wat jy spandeer aan my probeerslae. Jou wenke is die vuurhoutjies wat die kers aan die brand hou. Celia du Plessis

Ek waardeer jou kursus en al die moeite wat jy doen. Dit bring die realiteit na vore sonder om my op moedverloor se vlakte te laat sit, dit laat my vars en anders dink. Beslis die koste deur en deur werd. Elizma Coetzee

Die terugvoer is wonderlik! Leersaam! Nou is ek so opgewonde, ek kan nie wag om die aanpassings te maak nie. Ek geniet dit gate uit. Yolande van der Merwe

My woorde lyk nie meer soos 'n vervelige rytjie wasgoed aan 'n lang draad nie. Elsabé Bester

Lees vir ontspanning ontaard nou in 'n kritiese ontrafeling van teks, karakters en skryfstyl. Ek geniet dit terdeë. Johan Nel

Ek het deur jou terugvoer op my werkstuk gegaan. Dis absoluut wonderlik! Ek is al moedeloos met vriende en familie wat nie objektiewe terugvoer kan gee nie. Ek leer geweldig baie by jou. Erica Pretorius

Baie dankie vir 'n heerlike kursus, ek

het baie geleer en dit werklik geniet.

Wil graag nog 'n Skryfgeheime-kursus volg. Net nie seker watter een nie, almal klink interessant. Lindy Schoonees

As stokperdjieskrywer wil ek dankie sê vir al die hulp. Vandag, jare na ek vir die kursus ingeskryf het, blaai ek steeds deur die modules en terugvoer en kry sonder uitsondering iets wat my skryfwerk verryk. Dit sluit wenke sowel as motivering in. Jan Bonthuys

Jou kursus, en die storie wat jy laas vir my geredigeer het, was van onskatbare waarde, dis ongelooflik hoe baie 'n mens leer wanneer jy deur 'n geredigeerde weergawe van jou eie storie werk. Antoinette Venter

Die kursusse het vir my oneindig baie beteken. Ek gebruik elke dag in my werk van die dinge wat ek geleer het. Dit het ook vir my die moed gegee om te waag en te skep. Ek het so baie oor myself geleer. Henriëtte Louw

Hierdie kursus is heerlik vars, baie dankie vir jou insette en motivering.

Elmien de Klerk

Almal wat wonder of hulle kan skryf, moet hierdie kursusse volg. Ek het ongelooflik baie selfvertroue gekry en ek kon met elke module sien hoe my skryfwerk verbeter. Suretha Brits

Baie dankie vir die ooglopend baie tyd wat jy aan my werkstuk spandeer het. Hierdie kursus was een van my beste besluite vir die nuwe jaar. Johan Kotzé

Ek merk dat die meeste van jou studente melding maak van jou positiewe houding en aanmoediging - dis waar. Marinda van Niekerk

Jou kommentaar het my dag gemaak! Dis opbouend, en ek verstaan presies hoekom jy elke verandering of verbetering voorstel. Martelize Faber

Ek voel dat ek met 'n doel werk en dat elke werkopdrag op 'n gehalteproduk afstuur. Melodie Veldhuizen

Jy verdien 'n pronkveer vir jou skryfkursus. Daar is 'n logiese opbou van module tot module sodat selfs 'n leek soos ek in staat is om die legkaartstukke bymekaar te sit. Rita Hofmeyr

Skryfgeheime voel vir my soos die deurgang na 'n nuwe lewenswyse. Dankie vir jou kommentaar op my werkstukke en vir jou aanmoediging. Willem Fourie

Ek het nog nooit 'n skrywer ontmoet wat my so effektief help nie. Elna Nieuwoudt

Alles wat jy uitgelig het, was presies dit waarmee ek gesukkel het. Dit het heeltyd vir my gevoel daar kort iets, 'n "twist". Ek het ook gevoel my storie benodig ’n opwindende verandering, dit was net te "veilig". Ek is so opgewonde en sien uit daarna om verder daaraan te werk. Yolandi Odendaal

'n Mens is huiwerig om te sien wat iemand anders van jou werk dink, maar nou kan ek nie wag om al die wenke toe te pas nie. Alta van Niekerk

Jy groei baie as mens. In jouself en

ook in jou interaksie met mense. Jy leer besef die impak van woorde. Elmarie Schultz

Dankie vir die kommentaar. Dis leersaam, insiggewend en interessant, én dit motiveer my. Jolien Fourie

Ek kan omtrent nie die werkstukke neersit nie! Lenie Coetzee

Ek was so verras toe ek die terugvoer

kry en sien jy kraak nie 'n ou se werk af nie. Marieta Thünemann

Ek gaan dit geniet om ou breinpatrone uit te vee en nuwes te maak. Ek voel glad nie meer afgetree nie. Troula Goosen

Ek sal jou kursus oral aanbeveel. Alles begin nou sin maak en ek geniet die skrywery terdeë. Yolande Fourie

Ek het verskriklik baie geleer oor myself, ander mense én die skryfambag. Jou verbeeldingryke prikkelvrae en praktiese skryftegnieke is die perfekte kombinasie. Riëtte Botma

Die kursus was so insiggewend en verrykend, ek het ongelooflik baie geleer. Myself dikwels bevraagteken en gewonder of ek ooit die ding onder die knie gaan kry. Maar ek is nie iemand wat maklik moed opgee nie en ook nie bang om te waag nie. Dankie vir al die handvashou. Adelle von Ronge Kotze

Dis die beste belegging wat ek nog gemaak het. Die kursus het ander wêrelde en deure oopgemaak. Hoop om binnekort met die kinderboekkursus of joernalistiek te begin. Monja Beyers