Skryfgeheime-skryfskool

Kinder- en jeugboek-kursus

Ons skrywers publiseer by uitgewers soos Tafelberg, Protea, Oxford & Fantasi.

Hoe leer jy om 'n boek skryf? Natuurlik leer die meeste mense reeds as kind basiese lees- en skryfvaardighede aan. Maar veral moet elke mens van jongs af 'n liefde vir boeke aanleer. Leer jou kinders ongemerk oor skryf deur hulle met boeke te omring. Lees gereeld vir hulle uit boeke voor, spesifiek daardie stories wat hulle geniet - vertrou jou kind se leessmaak. En leer en onderrig ook jouself sodat jy jou kind onopsigtelik kan leer hoe om te skryf. Wys aspekte oor skryf terloops uit, soos wie die hoofkarakter is, wat die hoofkarakter wil bereik, met ander woorde, wat die storiedoel is, wie die karakter se bondgenote is, en wat die antagonis of teenstander alles doen om die karakter te fnuik. Wys op elemente wat spanning bou, en hoe die skrywer oortuigende, lewende karakters skep.  Doen dit bietjie-bietjie, met 'n ligte hand, want jy wil nie 'n lekker lees-ervaring bederf deur dit in 'n leer-ervaring te verander nie.

 

Wil jy 'n gepubliseerde skrywer word? Skryfgeheime se prettige, praktiese kinder- en jeugboek-kursus leer jou stapsgewys hoe om daardie boek te skryf wat geen kind kan neersit nie. Die Tien-module-plan lei jou van storievonk tot voltooide  manuskrip, en rus jou toe met alle nodige vaardighede om die mark vir 8-14-jariges met vertroue te betree. Teoretiese gedeeltes word toegelig met take en oefeninge sowel as voorbeelde uit die literatuur. 

 

Elke module eindig in 'n werkstuk wat jy moet instuur vir persoonlike terugvoer deur 'n bekroonde skrywer / redakteur binne sewe dae. Die idee is mos dat jy so gou moontlik ook een van ons lang lys gepubliseerde skrywers sal word. Boonop gaan jy leer hoe om jou skryfwerk te redigeer sodat jy die eindproduk met trots aan 'n bona fide uitgewer kan stuur. As jý  wil leer hoe om 'n suksesvolle kinderboek vir publikasie te skryf en outeursgeld te verdien, dan is jy by die beste, billikste skryfskool vir jou doeleindes. 

 

Studente-terugvoer:

  “Ek het gisternag tot laat gesit en lees aan Module 1. Ek kon net nie ophou nie. Die inligting is maklik verstaanbaar en prakties.”   (Ria Koen – Bellville)

 

 “Ek is baie beïndruk met hoe jy die kursus aanbied. Jy wil my nie aanjaag nie, maar my eerder help tot ek reg is vir die volgende module. Baie dankie."  (Renthia Bergh – Tshikondeni)    

Kinder- en jeugboekkursus:  Tien-module-plan

Jy ontvang die terugvoer op elke werkstuk binne sewe dae nadat jy dit ingestuur het, en daarmee begin die redigeringsleerkurwe.

 

MODULE 1:   Agtergrond

*    Die Afrikaanse kinderboekwêreld: voorwaardes vir sukses

*    Die kind se sielkundige en emosionele leesbehoeftes

*    Waar kry ek idees?

SELFDOENTAAK:   Voltooi ’n vertaaltaak

WERKSTUK:   Kies 'n storievonk en skryf ’n littelosmaker

 

 

MODULE 2:   Suksesvolle storielyne

*    Verslaan-die-monster

*    Aspoestertjie

*    Heen-en-terug

*    Die soektog of sending

*    Vertrekpunte: Hoe ontstaan ’n storie?

WERKSTUK:   Vind jou storie-idee en karakters

 

 

MODULE 3:   Dinamiese karakters

*    Opwindende storieboekkarakters

*    Die geheime van Harry Potter

*    Hoofkarakters is helde, nie lamsakke nie

HULPMIDDEL:   Die karakterkaart

WERKSTUK:   Voltooi ’n karakterkaart

 

 

MODULE 4:   “Praat mense so?”

*    Die sleutel tot goeie dialoog

*    Dialoog en geslagsverskille

*    Direkte en indirekte dialoog

*    TOETS jou dialoog

WERKSTUK:   Laat jou storiemense praat ...

 

 

MODULE 5:   Skep ’n eie wêreld

HULPMIDDEL:   Die plekkaart

*    Wat is gesigspunt?

*    Eerstepersoonsgesigspunt

*    Die alwetende verteller

*    Derdepersoonsgesigspunt

WERKSTUK:   Voltooi ’n taak oor gesigspunt

 

 

MODULE 6:   Die Storie-uitbouer

*    Hoe lyk ’n suksesvolle intrige?

*    Benut die 5-minuut-metode

HULPMIDDELS:   Die storie-geraamte en die storie-uitbouer

WERKSTUKKE:              

1. Voltooi die storie-geraamte

2. Voltooi die storie-uitbouer

 

 

MODULE 7:   ’n Sterk begin

*    Voorwaardes vir ’n sterk begin

*    Voorbeelde van ’n sterk begin

*    Weet jy nie waar om te begin nie?

*    Analiseer ’n prikkelende, doeltreffende begin

TOETS die begin met ses vonkvrae

WERKSTUK:   Skryf die begin van jou verhaal

 

 

MODULE 8:   Gee die middel lyf

*    Hoofstukke, tonele en paragrawe

*    Wat is stimulus-en-respons?

*    Lekker ou konflik

*    Wat van skrywersblok?

TOETS die middel van jou verhaal

WERKSTUK:   Skryf die middel van jou verhaal

 

 

MODULE 9:   Kikker die vaal kolle op

*   Benut vier treffertegnieke:

1. Wys en/of vertel

2. Die geheime van lyftaal

3. Humor

4. Die flitslig-metode

*  TOETS die einde met vyf vonkvrae

*  Op soek na TEMA

WERKSTUKKE:

1. Skryf die einde van jou verhaal

2. Redigeer jou manuskrip en stuur dit in vir ’n keurdersverslag

 

 

MODULE 10:   Eerste indrukke

*    Styg uit bo die massa

*    Verstaan jou uitgewer

*    Kontrakte: Wat is mý regte?

*    Die pad vorentoe

TAAK:   Stuur jou manuskrip, dekbrief en sinopsis na ’n geskikte uitgewer.

 

Terugvoer:

So skryf Troula Goosen, 'n gepubliseerde Skryfgeheime-kinderboek-student: "Sonder Skryfgeheime sou ek maande lank aan my storie gewerk het, net dat die eerste keurder dit met 'n boog in die snippermandjie gooi. En dan sou ek heel waarskynlik nie die moed gehad het om weer te probeer nie." 


Wil jy meer weet of inskryf? Gebruik hierdie vorm:

Jy sal binne 24 uur 'n e-brosjure ontvang met alle nodige inligting om maklik in te skryf, ook die betaalplanne en bankbesonderhede. Jou navraag plaas jou onder geen verpligting nie.

Note: Please fill out the fields marked with an asterisk.

Comments: 1
  • #1

    Etienne van Heerden (Wednesday, 22 February 2017 01:09)

    Stuur asseblief vir my meer inligting rakende julle skryfskool.