Skryfgeheime-skryfskool

Handige hulpmiddel

Gatis skryfles en storieplakkaat

Bessie Hemelbesem en die skat van smokkelaarsbaai, Lapa Uitgewers.

Wonder jy waar en by wie jy kan leer skryf, of waar 'n mens skryflesse kan neem? Sekerlik by kundiges: pryswenners, ervare skrywers en akademici. Wat van by 'n storieboekkarakter? En nou wonder jy waarskynlik watter skryflesse 'n storiekarakter jou kan leer? Wel, jy sal verbaas wees! Dis nou mits daardie karakter Bessie Hemelbesem is, die hoofkarakter in drie opwindende Bessie-boeke, en die skepper van haar eie gratis skryfles en storieplakkaat.

 

Lees wat skryf Bessie: Ek het omtrent geswoeg met hierdie storieplakkaat. Eers moes ek 'n klomp wilde avonture beleef het, wat Janie gelukkig neergeskryf en Lize-Marie geteken het. Daardie avonture en prente het gesmeek vir 'n storie-plakkaat.  

      En joe, dit was vir jou 'n spul werk, hoor. Ek het gedink dit gaan nooit klaarkom nie, maar dit het, en nou is dit JOUNE. Jy mag hierdie pragtige pdf-storie-plakkaat druk, laat druk, uitdeel, rondstuur, weggooi, in jou klaskamer plak, vliegtuigies mee vou, of wat ook al. Net wat jy wil. Soek jy iets om boeke of presente mee toe te draai? Gebruik die plakkaat!

     Of wees fancy, en gebruik dit vir 'n Powerpoint-lesing of -mondeling oor die bou van 'n storie wat werk. Gaan mal. Dis joune. 

 

Download
Laai jou pdf-storie-plakkaat hier af
Leer skryf by BESSIE HEMELBESEM.pdf
Adobe Acrobat Document 1.8 MB

So lyk die storieplakkaat.

Die een wat jy kan aflaai, is natuurlik baie groter en mooier.

Mense wil weet waar en by wie hulle skryflesse kan neem. Leer vinnig hoe om 'n storie met alle nodige storie-elemente te skryf met Bessie Hemelbesem se gratis storieplakkaat en skryfklas.
Bessie se gratis storieplakkaat en skryfles

Lees ook my brief, dan sal jy alles (dalk) beter verstaan.

Die Bessie Hemelbesem-reeks deur Janie Oosthuysen het by Lapa Uitgewers verskyn.

Hallo daar!

 

Ek is Bessie Hemelbesem, 'n speurder van Langeraatsfontein. Jy wonder seker hoekom ek so na hierdie vis kyk? Wel ... dis nie sommer enige vis nie. Dis 'n leidraad. 'n Belangrike leidraad. Oor smokkelaars. En ... daar is iets binne-in hierdie vis. Iets wat tik-tik-tik maak. Ek wonder wat dit kan wees? 'n Soort wekker? Of dalk 'n bom? 

 

Maar daaroor sal ek my later bekommer. Want eers moet ek jou vertel van die oulike pdf-storie-plakkaat wat ek en Janie oor my lewe gemaak het. Dis 'n handige hulpmiddel wat jou leer presies hoe 'n lekker storie werk.  

 

Laai dit gou hierbo af en druk dit. Jy mag maar. Eintlik moet jy! Jy sal sien dis goed genoeg vir 'n pragtige A3-, A2- of A1-kleurplakkaat. Plak dit by jou lessenaar om jou te help wanneer jy skryf. Of gebruik dit vir ’n mondeling oor die skryf van ’n goeie storie. Stuur dit aan jou vriende, jou juffrou en jou skoolbiblioteek. Gaan mal. Geen probleem. Dis vir jou ... julle ... ALMAL! 

 

Lekker skryf!
Bessie Hemelbesem 

Privaatspeurder

Langeraatsfontein