Skryfgeheime-skryfskool: Gepubliseerde studente

Wie is ons studente? . . . Mense soos ek en jy.

Skryfgeheime-studente wissel van laerskoolkinders tot regsgeleerdes, huisvroue, lektore, predikante, taalpraktisyns, ontvangsdames, mediese dokters, veeartse, studente, onderwysers, rekenmeesters, dieetkundiges, rugby-afrigters, polisiemanne, boere en boervroue in Suid-Afrika en Namibië, asook uit lande soos Frankryk, Australië en Indië. 

 

Kortom, enigeen op soek na die heel beste,en met die droom om deur 'n gerekende uitgewer gepubliseer te word kan by ons inskryf. Hier word jou skryfwerk geslyp van idee tot publikasie by 'n erkende, bona fide uitgewer, tydskrif of koerant. Talle Skryfgeheime-skrywers het al hulle eie boek in 'n boekwinkel bewonder, of 'n nasionale tydskrif oopgemaak waarin hulle artikel of verhaal verskyn. Jy kan ook hierdie vreugde ervaar. 

Ons gepubliseerde studente:

Skryfgeheime-student Daniella Day (skuilnaam) verskyn hier saam met Hykie Berg tydens die bekendstelling van die boek, Hykie Berg - My storie van hoop, wat in 2016 deur Daniella geredigeer is. Daniella is die gepubliseerde skryfster van die jeugroman Blou trane wat 'n tyd terug by Lapa Uitgewers verskyn het. Hykie se boek het by Cum Boeke verskyn.

 

Daniella het die Algemene Kreatiewe Skryfkursus voltooi.

Loer hier na Hykie se boek

Melodie Veldhuizen skryf: "My artikel ‘Goeie maniere sluit deure oop’ (oor hoe om jou peuter en kleuter maniere te leer) verskyn in die Desember 2017/Januarie 2018-uitgawe van Lig-tydskrif. 

Sedert my eerste artikel in 2015 gepupliseer is, besef ek steeds met elke poging dat ’n mens hard moet werk, geduld aan die dag moet lê, en moet leer om soms 'n ‘nee dankie’ te aanvaar."

 

Melodie het die Kursus in Tydskrifjoernalistiek voltooi en publiseer sedertdien gereeld in nasionale tydskrifte. 

 


Aniki Joseph se kort storie "Vir Ma" verskyn in vandeesweek se Huisgenoot. Aniki het Skryfgeheime se Algemene Kreatiewe Skryfkursus gevolg. 

 

'n Artikel deur Lee Scholtz het onlangs in Rapport verskyn. Die titel is "Eendevere in woud vir 'n natuurtroue".  Lee is besig met die Praktiese Kreatiewe Skryfkursus.

 

Gideon Bruckner skryf: "Het 'n epos van Toast Coetzer ontvang. Weg  het my storie 'Tjoppie vir die Tankwa' in Engels vertaal en dit sal in Oktobermaand se Go verskyn as 'Chop Fever in the Tankwa'. Die vertaling is goed gedoen, maar sekere dinge druk 'n mens maar net beter uit op Afrikaans!"  Gideon is tans besig met die Algemene Kreatiewe Skryfkursus.


Troula Goosen se jeugroman Maanligmeermin het onlangs by Tafelberg Uitgewers verskyn. Sy het die Kinder- en jeugboek-kursus suksesvol voltooi en publiseer sedertdien gereeld by gerekende uitgewers. Haar boek Spooksoene (Protea Boekhuis) het 'n ATKV-veertjie verower.

 

Elrien Scheepers is een van die wenners van die Bloemfonteinse Skrywersvereniging se 2017-kompetisie, afdeling digkuns. Die kompetisie is geborg deur die Fakulteit Geesteswetenskappe van die Universiteit van die Vrystaat, en gedeeltelik geadministreer deur die Nasionale Afrikaanse Letterkundige Museum en Navorsingsentrum (NALN). Dit het kort onder 1 000 inskrywings ontvang. Elrien het Skryfgeheime se Kinder- en jeugboek-kursus suksesvol voltooi en is al herhaaldelik gepubliseer.


 

Johan Fourie se ekologiese spanningsverhaal het by Naledi verskyn. Johan is goed onderleg in hierdie vakgebied, en verskeie boeke in hierdie genre wat deur hom geskryf is, is al gepubliseer. Hy het die Algemene Kreatiewe Skryfkursus suksesvol voltooi.  

Lees hier meer ...

Ilze Beukes se tweede romanse, Hart se tweede kans, het pas by NB Uitgewers verskyn en is Februarie se boek van die maand. Foto's, uittreksels en 'n onderhoud met haar verskyn binnekort op Facebook en op NB Uitgewers se blog.  Ilze het Skryfgeheime se kinder- en jeugboek-kursus gevolg en skryf sedertdien oor genres heen.

 

Annelize Jansen van Rensburg se artikel is pas deur Vrouekeur aanvaar vir publikasie in 2017. Nog 'n artikel "Orania - so rol ons" het onlangs in Maroela Media verskyn. Annelize volg die Kursus in Tydskrifjoernalistiek.

 

Adriana Jansen van Rensburg se kursusverhaal is deur Oxford University Press vir publikasie aanvaar.  Hierdie opwindende jeugboek gaan as voorgeskrewe werk in skole bemark word. Adriana het die Kinder- en jeugboek-kursus suksesvol voltooi. 

 

Troula Goosen, Elrien Scheepers en Antoinette Diedericks se kortverhale verskyn in Skool is 'n riller wat pas by NB Uitgewers verskyn het.

 

Melodie Veldhuizen se artikel oor Nicola Prinsloo is deur Vrouekeur aanvaar en verskyn in die uitgawe van 24 Februarie 2017. Melodie het die kursus in tydskrifjoernalistiek voltooi en het ontpop in 'n gereelde medewerker by talle gerekende tydskrifte.

 

 

Karien Allers se kortverhaal "Nartjie vind sy nis" het onlangs in Vrouekeur verskyn. Karien het die Algemene Kreatiewe Skryfkursus gevolg. 

 

Verhale geskryf deur Elrien Scheepers, Antoinette Diedericks en Troula Goosen is opgeneem in die bundel Skool is 'n riller wat onlangs deur NB Uitgewers gepubliseer is. Elrien, Antoinette en Troula het die kinder- en jeugboek-kursus voltooi.

 

Elsabé de Beer haal drie saamgestelde bundels met van haar kortverhale en gedigte, en het ook haar eie bundel kortverhale geskryf, nl. Petro se Klavier.  Elsabé het die Algemene Kreatiewe Skryfkursus gevolg.


David Viljoen se eerste werkstuk "Marie kry haar stukkie" is deur Kuier aanvaar vir publikasie in 2017. David volg die Algemene Kreatiewe Skryfkursus.  

Gideon Bruckner se littelosmaker "Skoon rekord" verskyn as kortverhaal by LitNet. Lees dit hier.  Sy artikel-verhaal "Tankwa is nog Tankwa" is deur Weg aanvaar vir publikasie in 2017. Gideon volg die Algemene Kreatiewe Skryfkursus.

 

Karien Allers skryf: "Ek wil net weer eens dankie sê vir al die moeite met my Module 1-storie, 'Melktertkoors'. Dis uiteindelik in Augustus in Vrouekeur gepubliseer!"  Karien volg die Algemene Kreatiewe Skryfkursus.  

 

Madeleen Viljoen-Theron skryf: "Van my gediggies is aanvaar vir die NB-bundel vir pikkies en peuters. Ek het ook ’n brief ontvang oor Rympies vir Kleintjies en Kleuters. 'n Skrywer wat aan ’n Skryfgeheime-kursus deelneem, kry geleenthede wat ander skrywers nie noodwendig ontvang nie."  Madeleen het die Algemene Kreatiewe Skryfkursus voltooi.  

 

Troula Goosen [langsaan met haar Woordveertjie] se jeugroman Spooksoene is in September 2016 met 'n ATKV-Woordveertjie bekroon. Woordveertjies word toegeken vir uitsonderlike prestasie rondom die Afrikaanse woord. Troula het Skryfgeheime se Kinder- en jeugboek-kursus en die Prenteboek-kursus voltooi.

 

Driekie Grobler skryf: "Ek stel haar volgende Donderdag aan ons luisteraars voor en gaan 'n bietjie gesels oor haar en oor haar boek en die uitsonderlike toekenning wat sy ontvang het." Driekie bied die program Rinkink met woord en melodie  op Rainbow Gospel Radio aan.                        _________________________________________________________________________

 

Leesboeke geskryf deur Skryfgeheime-studente Troula Goosen, Ilze Beukes, Antoinette Diederichs, Henriette Louw, Madeleen Viljoen-Theron, Monja Beyers, Tanita da Silva en Rykie Greyvenstein het pas by Pearson Uitgewers verskyn onder die Vuma-vaandel. 

 

Adelle Roux skryf: "Goeie nuus! Lig Tydskrif het laat weet my artikel 'Klim die leer met nederigheid' gaan in hul uitgawe van November 2015 gepubliseer word. Weer eens baie dankie vir die kursus en die mentorskap." Adelle het die Kursus in Tydskrifjoernalistiek voltooi.  

 

Dawie Louw skryf: "My historiese roman genaamd eMajuba is op die rakke, gepubliseer deur Naledi Uitgewers. Weer eens baie dankie vir jou insette destyds. Daarsonder sou die boek heel anders daar uitgesien het." Dawie het die Algemene Kreatiewe Skryfkursus voltooi.   

 

Zuanne-Marie Joubert het jare lank met straatkinders gewerk. Haar passie word vervat in Swerfkind, ’n bloemlesing deur 100 digters landswyd wat hierdie kinders se lot verwoord.

 

Jackie Botha skryf: "Jou kursus en positiewe insette het my die moed gegee om my eie blog te begin. Dit het gelei tot ’n voet in die deur by Rooi Rose se reisblogs. Ek het nooit gedink dat ek my skryfstukkies in die media sou kry nie, en daar is dit nou. Verder het ek begin om akademiese werkstukke te vertaal en is tans besig met ’n lywige een. Selfvertroue gekweek deur dit wat ek by jou leer. Baie dankie nogmaals."  Jackie volg die Algemene Kreatiewe Skryfkursus. 

 

'n Artikel deur Corné Ferreira is deur Agriforum, Namibië, vir publikasie aanvaar. 'n Tweede artikel, hierdie keer oor Kolmanskop, is deur Rooi Rose aanvaar en sal in 2016 gepubliseer word. Corné volg die Kursus in Tydskrifjoernalistiek

 

  

Ilze Beukes se Hartklop-romanse met die titel Ondersoek my hart het pas by NB Uitgewers verskyn. Ilze het die Skryfgeheime-skryfskool se Kinder- en jeugboek-kursus voltooi en skryf sedertdien oor genres heen.  


Melodie Veldhuizen se artikel "Ons tyd op Marion-eiland" verskyn in Vrouekeur van 28 Oktober 2016. Vrouekeur se redakteur skryf: "Melodie, kan jy asseblief vir my jou faktuur vir die artikel 'Op Marion-eiland' teen die 10de Oktober vir my stuur." Melodie het die Tydskrifjoernalistieke kursus voltooi en haar skryfwerk word sedertdien gereeld in tydskrifte gepubliseer.

 

Roux Botha (op foto) skryf: "Ek het pas verneem dat my kortverhaal 'Delirium' as die algemene wenner van Thompson-uitgewers  se skryfkompetisie in die kategorie Volwasse Fantasie aangewys is. Dis vir my 'n baie groot verrassing. Baie dankie vir jou voortreflike, kundige begeleiding en veral vir jou geduld. Ek het die hele proses geniet." Roux het die Algemene Kreatiewe Skryfkursus voltooi.

 

Elsabé Welman skryf: "Ek is nou so opgewonde! Het gehoor my verhaal 'Die Zinbali-poort' is aangewys as die algehele wenner vir Afri-fiksie se Afrikaanse Fantasie vir die Jeug, 2016. Skryfgeheime het 'n GROOT aandeel hierin." Elsabe het die Praktiese Kreatiewe Beginnerskursus gevolg.

 

Elsabé de Beer skryf: "Killian & Malherbe gaan my kortverhale publiseer as Petro se Klavier en ander stories. Ek gee nog babatreetjies, maar EENDAG wil ek nog by daardie roman uitkom." Elsabe het die Algemene Kreatiewe Skryfkursus gevolg. 

 

Susan Stander se novelle, Bekgeveg, is in 2016 deur Oxford University Press gepubliseer. Susan het die Kinder- en jeugboek-kursus voltooi.

 

Marli Marais se brief "Grootmaakma bly hartsma" het in Huisgenoot, 23 Junie 2016 verskyn.

 

Charles Matthewson se brief "My plaaswens ... vir oulaas" is gekies as die wenbrief, Huisgenoot, 23 Junie 2016. Sy storie "Ek gaan stad toe" is opgeneem in die Prince Albert Friend-gemeenskapskoerant.

 

Kortverhale deur Pieter Saayman en Tanita da Silva verskyn op Afri-fiksie se kortlys vir wetenskapfiksie en -fantasie. Die titels is "Vergelding", "Hoenderdief", "Einstein se huis" en "Die bruin koevert".  

 

Andre Gerber se artikel "Spookram" het in Magnum verskyn. Andre volg die Algemene Kreatiewe Skryfkursus.


Rympies vir Pikkies en Peuters, NB Uitgewers - www.skryfgeheime.com

 

Tientalle Skryfgeheime-skrywers se bydraes verskyn in hierdie pragboek, uitgegee deur NB Uitgewers. Geluk aan julle almal. Madeleen Viljoen-Theron skryf: "Mense wat aan 'n Skryfgeheime-kursus deelneem, kry geleenthede wat ander mense nie noodwendig ontvang nie."


 

Letty-Ann Moller se foto van die bekendstelling van Rympies vir pikkies en peuters (NB Uitgewers) op Saterdag 24 Oktober 2015 by Wellington. Heelparty Skryfgeheime-studente is medewerkers en sal hulleself op die foto herken. Bestel die boek hier.

Annatjie de Graaff se artikel "250 Pap wiele in 2 000 km" het onlangs as leserstorie in Weg verskyn. Annatjie volg die Kursus in Tydskrifjoernalistiek.

 

Nikoleen van der Spuy skryf: "Net om te laat weet dat een van my dagstukkies gekeur is vir die Vroue wat Glo Bybeldagboek. Ek is baie dankbaar."

 

Antoinette Diedericks se humoristiese kortverhaal "Tannie Hasie en die luisgespuis" het op 25 September in die Landbouweekblad verskyn.

 

Christna le Roux se inspirerende debuut Verby die horison handel oor haar stryd teen kanker. Gaan loer gerus daarna of bestel 'n kopie. Christna skryf: "Kanker rig my oë verby die horison. Ek wil ander mense wat ook met lewensveranderende omstandighede saamleef, motiveer en bemoedig." Christna volg die Algemene Kreatiewe Skryfkursus. 

 

Elsabé Bester se flitsverhaal "Gapjaar" is deur Sarie vir publikasie aanvaar. André le Roux van Sarie skryf: "Die verhaal sal in die Februarie-uitgawe 2016 verskyn, op straat middel Januarie. Ek vra solank jou betaling aan." Elsabé volg die Algemene Kreatiewe Skryfkursus.

 

Maruanda Wynne skryf: "En al die tyd dink ek dit gebeur net met ander mense. So pas 'n epos van Corlia Fourie ontvang, my kortverhaal 'Man in die jas' is vir publikasie aanvaar in Rooi Rose. Dit doen my bewerige skryfvertroue baie goed. Dankie, Janie, vir jou advies, 'Man in die jas' lees net soveel beter nadat jy dit afgestof het."  Maruanda volg die Algemene Kreatiewe Skryfkursus.

 

Elize Perrin skryf: "My artikel oor bejaardesorg is deur Lig-tydskrif aanvaar en van my dagstukkies is opgeneem in Finesse se Bybeldagboek wat in Oktober verskyn. My artikel oor straatkinders verskyn in die Vrouekeur van 16 Oktober. Ek is so opgewonde!"

 

Petro le Roux se derde artikel ("Met jou eks in die agtergrond") verskyn op 9 Oktober in Vrouekeur.  Petro en Elize het die Kursus in Tydskrifjoernalistiek gevolg. 


Skryfgeheime-skrywer Fred Charly is die wenner van die 2014 RSG- en Cordis Trust-radiodrama-kompetisie.

Fred Carly (skuilnaam) skryf: "Ek het drie kortverhale ingeskryf vir die Bloemfonteinse Skrywersvereniging se kompetisie. Die storie 'Vyf jaar later – ’n Kerskaart' het die tweede plek verower en is opgeneem in Inkvars 2014.

          "En dan is daar RSG en Cordis Trust se radiodrama-kompetisie. Ek is toe ’n wenner! Die teks, Terugreis, word volgende jaar op Goeie Vrydag uitgesaai.

           "Net om te sê – jou advies, leiding en mentorskap het vasgeslaan. Waar ek nou terugkyk, besef ek hoeveel ek staatmaak op basics wat uit Skryfgeheime se modules voortspruit. Dankie vir harde lesse geleer. Jy kan by all means krediet aanvaar en die sukses(se) rapporteer."  Fred het die Algemene Kreatiewe Skryfkursus voltooi.

 

Trudie Papenfus skryf: "Wat ’n heerlike avontuur was hierdie Praktiese Skryfkursus nie gewees nie! Ek het met elke module gevoel hoe ek verryk word met kennis. Ek dink die wêreld van jou kursus se samestelling en die vinnige terugvoer is fantasties."  Trudie het die Praktiese Kreatiewe Beginnerskursus gevolg.

 

Melodie Veldhuizen skryf: "Uiteindelik! My kursusartikel verskyn in Vrouekeur van 15 Mei 2015, wat vandag op die winkelrakke is. Die titel is 'Ek wens ek kon my kinders ruik'. Dis fantasties om jou eie skryfwerk in druk te sien – ’n droom wat uiteindelik verwesenlik is. Wat het ek geleer? Nie net hoe om ’n publiseerbare artikel te skryf nie, maar ook geduld en deursettingsvermoë. Dankie aan Liezl, my studieleier, en aan die Skryfgeheime-skryfskool. Ek sal enigeen aanmoedig om julle kursusse te volg."  Melodie het die Kursus in Tydskrifjoernalistiek gevolg. 


'Spooksoene' geskryf deur die Skryfgeheime-skrywer, Troula Goosen, verskyn by Protea Boekhuis.

Troula Goosen skryf:  "Hallo, Janie, ek brand al so lank om jou te wys hoe lyk Spooksoene, hier is hy nou."  Troula se vollengte jeugboek, Spooksoene, verskyn in 2015 by Protea Boekhuis. Troula het die Kinder- en jeugboek-kursus gevolg.           

 

Martin Botha skryf: "Net om te laat weet my kortverhaal 'By die drif' het in die bundel Skrik op die lyf verskyn wat deur Tafelberg uitgegee is. Ek het dit geskryf terwyl ek besig was met die kreatiewe skryfkursus. Baie dankie weer eens vir al die terugvoer en hulp gedurende die kursus! Daarsonder sou dit nie moontlik gewees het nie."   

Jedidja van der Walt volg Skryfgeheime se Kursus in Tydskrifjoernalistiek en verower 'n prys by die GHA.

 

Jedidja van der Walt skryf: "Wil net baie dankie sê vir die skryfkompetisie-skakels op die Skryfgeheime-webwerf. As dit nie daarvoor was nie, sou ek nooit van die GHA se gedigte-kompetisie gehoor het nie. Ek het ingeskryf en die tweede plek in die hoërskool-kategorie losgeslaan." Jedidja volg die Kursus in Tydskrifjoernalistiek

 

Riekie Greyling volg Skryfgeheime se Prenteboek-kursus. Haar werkstuk met die titel Ha ... ha ... tiesjoe is pas deur Vivlia Uitgewers vir publikasie aanvaar as deel van 'n leesreeks vir Graad R.

 

Danie Fourie skryf:  "Net om jou te laat weet my verhaal 'Dit kon anders gewees het' verskyn toe in die Rooi Rose. Nogal heelwat reaksie gekry van familie, vriende en vreemdelinge." Danie het die Algemene Kreatiewe Skryfkursus gevolg.

 

Gerda Vermeulen skryf: "My manuskrip Zoem, zoem ... hap is deur Moira Strydom vir publikasie aanvaar! Jou skryfkursus is die beste ding wat ek nog vir myself gekoop het!"  Gerda volg die Prenteboek-kursus

 

Sarlene Horn het die Prenteboek-kursus, die Algemene Kreatiewe Skryfkursus en die Kursus in Tydskrifjoernalistiek voltooi. Haar skets "Sagte toiletpapier" is deur Rooi Rose vir publikasie aanvaar. "Die tietietoets" is deur Vrouekeur aanvaar.

 

Petro Farr skryf: "Ek is swaaistert oor 'n klein gelukkie. Ek het my 'Klokvrou' vir Dineke gestuur en sy gaan dit op Vrouekeur se webblad publiseer." Petro volg die Kursus in Tydskrifjoernalistiek.  


Tientalle stories en gedigte geskryf deur Skryfgeheime se innoverende kinderboekskryfspan is deur Nasou Via Afrika in skoolleesboeke opgeneem.  Skryfgeheime-medewerkers sluit in: Antoinette Diedericks, Desiree Botha, Elrien Scheepers, Henriette Louw, Ilze Beukes, Jeanette van As, Milanie van der Westhuizen, Madeleen Viljoen-Theron, Marianne Collen, Marion Botes, Monja Verwey, Susan Stander, Tanita da Silva en Troula Goosen. 

 

Melodie Veldhuizen skryf: "Vrouekeur het my laat weet hulle stel belang in my artikel 'Ek mis reuke wat my hartsnare roer'. Ek kon nie wag om hierdie goeie nuus met julle te deel nie. Was dit nie vir Liezl se deurlopende positiewe terugvoer en riglyne nie, het my droom net ’n droom gebly. Weer eens dankie aan Skryfgeheime wat hierdie puik kursusse moontlik maak."  Melodie volg die Kursus in Tydskrifjoernalistiek.

 

Bertha Lewis skryf: "So trots om 'n mens se naam in 'n nasionale tydskrif te sien! Ai, dankie nogmaals vir die leiding en inspirasie wat sekerlik my hele lewe by my sal bly." Bertha se artikel, 'Pannekoek rol fluks van masjien', verskyn in die Landbouweekblad van 4 Julie 2015."  Bertha het die Kursus in Tydskrifjoernalistiek voltooi. 

 

Monja Verwey skryf:  "Dit was 'n groot verrassing toe ek die kontrak van NB Uitgewers ontvang en sien dat 18 van my versies in die pragtige boek vir pikkies & peuters opgeneem is. Ai, dis lekker om deel te wees van so 'n wonderlike projek, en alles te danke aan Skryfgeheime." Monja het die Kinder- en jeugboek-kursus gevolg.

 

Magda Wardle skryf:  "Ek het toe die paal gehaal met die Lapa-Kuier-kompetisie, ek is een van die finaliste. Dis ’n heerlike gevoel. Dankie vir die hulp. Sodra ek my RSG-storie ingestuur het, gaan ek my kursus klaarmaak."  Magda volg die Algemene Kreatiewe Skryfkursus. 

                                                                            

Ansie Nel skryf: "Ek moet my goeie nuus met jou deel. Die kinderverhaal Haakbos se held waarmee ek en jy so geworstel het gedurende my kursus, is deur Vivlia gepubliseer en opgeneem in hulle katalogus vir die Jozie Book Fair van 26 en 27 September 2014."  Ansie het die Kinder- en jeugboek-kursus sowel as die Algemene Kreatiewe Skryfkursus gevolg. 

  

Henriëtte Louw skryf: "Ek het geleer ’n mens moet waag as jy êrens wil kom. Het toe gehoor ’n skets van my word in die Landbouweekblad van 15 Mei gepubliseer. Dit bly maar 'n lekker gevoel. Die titel is: 'Die skape is my getuie'. Dis nou mits hulle my titel behou."  Henriette het die Kinder- en jeugboek-kursus gevolg en skryf sedertdien oor genres heen. 

Skryfgeheime-student Johan van Wyk se tienerverhaal verskyn by Thompson Uitgewers.

 

 

Johan van Wyk se futuristiese tienerverhaal Ricky Erasmus en die interdimensionele rolstoel verskyn binnekort by Thompson Uitgewers.

'Spoor van die perlemoenstropers' deur Johan Fourie.

Johan Fourie se ekologiese spanningsverhaal Spoor van die perlemoenstropers verskyn by Naledi Uitgewers. Johan het die Algemene Kreatiewe Skryfkursus gevolg.

 

Karien Allers skryf: "Dineke Volschenk van Vrouekeur het laat weet sy het my storie Melktertkoors aanvaar en sal my laat weet wanneer sy dit kan plaas."  Karien volg die Algemene Kreatiewe Skryfkursus.

 

Susan Stander skryf: "Oxford University Press het my manuskrip, Barbarossa, vir publikasie aanvaar. Die beoogde publikasiedatum is Februarie 2016. Baie dankie weer eens vir jou kursus, jy maak drome waar!"  Susan het die Kinder- en jeugboekkursus voltooi. Barbarossa is uiteindelik uitgegee as Bekgeveg.

 

Barbara van den Berg skryf: "Elf van my gediggies is opgeneem in NB Uitgewers se peuterverseboek en drie in die KANSA-bundel. Vyf versies is op die kortlys vir NB se kleuterverseboek." Barbara het die Kinder- en jeugboekkursus gevolg.

 

Judy Troskie skryf:  "Elli en Dewald se storie het vlerke gekry! My manuskrip is deur Lapa Uitgewers goedgekeur vir publikasie onder die titel Ritme van die nag. Ek het ook my kontrakte ontvang vir Rympies vir Pikkies en Peuters (NB Uitgewers) en my kindervervolgverhaal by Kliek-Click. Boonop is my volgende manuskrip reeds 3/4 klaar. Baie dankie vir jou bydraes tot my suksesse. Aan al jou huidige studente: vasbyt, die vrugte is soet."  Judy het die Algemene Kreatiewe Skryfkursus gevolg.


Danelle Bosch skryf: "Ek is uit my vel! Vanoggend tel ek Weg se Februarie-uitgawe op, en wraggies, daar is my artikel oor drie bladsye: 'Stywe lyne op ys'. Dankie vir die awesome tydskrifkursus." Die artikel wat Danelle oor die bergforel-en-ysfees in Korea geskryf het, is in Go gepubliseer as "Ice, Ice Baby". Danelle het die Kursus in Tydskrifjoernalistiek gevolg.

 

Aletta van Staden skryf: "Was vandag Checkers toe (hoeka oor my skoonma gesê het daar’s ’n verrassinkie vir my). Koop toe die Rooi Rose en die oomblik toe ek in die kar sit, blaai ek daardeur. En wraggies, daar is dit ... 'Met Victor Matfield in 'n Uno'. Geskok is nie die woord nie." Aletta het die Algemene Kreatiewe Skryfkursus gevolg.

 

Antoinette Venter skryf: "Janie, ek wil jou net laat weet, jou kursus is sowaar fantasties en leersaam. Ek het deur jou kommentaar op my littelosmaker gewerk en die nodige aanpassings gemaak. Ek het gefokus op die essensie soos deur jou verduidelik. Daarna het ek dit ingestuur vir Vrouekeur en hulle het dit sowaar vir publikasie aanvaar."  Antoinette het die Algemene Kreatiewe Skryfkursus gevolg. 

 

Madeleen Viljoen-Theron skryf:  "Ek was deel van die Pearson-projek vir Graad R tot Graad 1, Vlak 4, en was dit 'n uitdaging. Dis anders om vir kleintjies te skryf, jy moet soos hulle dink: wat hulle vrees, bekoor en fassineer. As dit nie was vir jou en Skryfgeheime nie, sou ek eerstens nie die geleentheid gehad het nie en tweedens nie die nodige kundigheid nie. Baie dankie." Madeleen het die Kinder- en jeugboek-kursus gevolg.

 

Ilze Beukes skryf:  "My kleinseun is in vervoering oor 'n storie wat ek twee jaar gelede vir ’n leesboekreeks by Via Afrika geskryf het. Halfpad het hy so meegevoer geraak dat hy begin vertel het hoe hy met sy super powers sal opvlieg om die voëltjie te red. Dit het my weer eens laat besef waarom ek skryf: om kinders se verbeelding aan te gryp, ’n liefde vir lees aan te kweek en ’n kosbare oomblik in iemand se lewe te skep. Dankie dat jy my op daardie pad gekry het."  Ilze het die Kinder- en jeugboek-kursus voltooi.

Desiree Botha, 'n kursusganger van die Skryfgeheime-skryfskool, skryf vir SABC1 en KliekClick.

Desiree Botha skryf: "Hiermee ’n foto van die talentkompetisie wat ek beoordeel het, ek het dit baie geniet, dankie dat jy dit voorgestel het. Ander nuus is soos volg: my storie Ajamu and the Gumgors is vir die Nal'ibali-projek aanvaar, KliekClick het ’n storie aanvaar, en ek werk aan ’n nuwe TV-program vir SABC1. Dankie weer eens vir alles."  Desiree het die Kinder- en jeugboek-kursus voltooi. 

Troula Goosen se manuskrip 'Spooksoene' verskyn by Protea Boekhuis. Troula het Skryfgeheime se Kinder- en jeugboek-kursus voltooi.

Troula Goosen se manuskrip Spooksoene is deur Protea Boekhuis vir publikasie aanvaar. Troula skryf: "Ek brand om jou te vertel. Hier is die kontrak, Protea het my manuskrip aanvaar!" Troula het die Kinder- en jeugboek-kursus gevolg.  [Foto: Troula se kontrak]

 

Shirley Lessing se kursusverhaal Die geheim van die vissersdorpie is deur Kliekclick vir publikasie aanvaar. Shirley het die Algemene Kreatiewe Skryfkursus gevolg.

 

Petro le Roux voltooi die Kursus in Tydskrifjoernalistiek en presteer soos volg: twee artikels word deur Vrouekeur vir publikasie aanvaar. Petro skryf: "Dankie vir die fantastiese kursus!"

 

Mariette Breytenbach se foto-artikel oor haar Amerika-toer is deur WegSleep vir publikasie aanvaar. Mariette volg die Skryfgeheime-kursus in tydskrifjoernalistiek.

 

Anita van den Aardweg skryf:  "Vir een volle jaar het ek aan hierdie boek gewerk: 28 hoofstukke, 8 maande se navorsing. Dankie vir jou hulp." Anita het die Algemene Kreatiewe Skryfkursus gevolg. [Foto: Anita se voorblad] 

 

Elsabie van der Westhuizen skryf: "My kursusartikel 'Borskanker het ons liefde versterk' verskyn in Oktober in Lig. Ek is ongelooflik dankbaar."  Elsabie het die Tydskrifkursus gevolg.

 

Helena le Roux skryf: "Ek wil net sê Litnet het my storie, 'Wil jy dans, Daleen?' op hul webwerf geplaas."  Helena het die Algemene Kreatiewe Skryfkursus gevolg. 

 

Antoinette Diedericks skryf: "My skets, 'Die hoenders in oor aapstreke', het in Huisgenoot van 17 Julie 2014 verskyn."  Antoinette het die Kinder- en jeugboek-kursus sowel as die Tydskrifkursus gevolg. 


Die jeugboek, 'Blou trane' verskyn by Lapa Uitgewers. Daniella Day het die Algemene Kreatiewe Skryfkursus by die Skryfgeheime-skryfskool voltooi.

Die roman Blou trane deur Daniella Day is in 2014 deur Lapa Uitgewers gepubliseer. Daniella het die Algemene Kreatiewe Skryfkursus gevolg. 

 

Rykie Greyvenstein se kursusverhaal Konsternasie in die hawe is deur Vivlia Uitgewers vir publikasie aanvaar en verskyn in 2014. Rykie skryf: "Baie dankie vir ALLES. Skryfgeheime het my regtig ontsettend baie gehelp." Rykie het die Kinder- en jeugboek-kursus gevolg.


Anita du Plessis se romanse, 'Wette van die hart' verskyn by Malan Media. Anita het die Algemene Kreatiewe Skryfkursus voltooi.

Anita du Plessis se romanse Wette van die hart is gepubliseer deur Malan Media as deel van hulle Donker Sjokolade-reeks. Anita het die Algemene Kreatiewe Skryfkursus gevolg. [Foto: Anita se voorblad] 

 

Bertha Lewis skryf: "Met die tydskrifkursus was een van die opdragte om uit te vind watter publikasies wel vryskutte se werk aanvaar. So skakel ek 'n paar tydskrifte en die redaktrise van die Rooivleis-produsente se tydskrif is gewillig om vir my (groentjie wat nog 'n kursus volg) 'n kans te gee. Nimmer bang vir 'n uitdaging skryf ek toe die artikel wat hulle later aanvaar! Dankie vir al jou hulp (en Liezl s'n) - ek geniet hierdie joernalistiekkursus vreeslik!"  Bertha het die Kinder- en jeugboek-kursus gevolg en is tans besig met die Kursus in Tydskrifjoernalistiek.

 

Johan Kotze voltooi die Algemene Kreatiewe Skryfkursus en presteer soos volg: sy kortverhaal 'Roemdrome' is een van tien finaliste in Lapa Uitgewers en Woes se kortverhaalkompetisie. Johan verower ook 'n skrywerswerkswinkel by Koos Kombuis. 

 

Henriette Louw publiseer in Nasou Via Afrika se skoolboekreeks. Die oudioboek Houtlepels en hansworse verskyn by Betathanpaper Productions. Henriette het die Kinder- en jeugboekkursus gevolg.  

 

Amper vyftig Skryfgeheime-skrywers haal die langlys vir NB Uitgewers se Verseboek vir pikkies en peuters: Danelle Bosch, Alwerí Brand, Ilze Beukes, Miranda de Jager, Monja Beyers, Antoinette Diedericks, Celeste Slabber-Loriston, Liesel Bösenberg, Ernesta Clark, Marianne Collen, Tanita da Silva, Hantie de Beer, Retha de Wet, Alida Delport, Ans du Preez, Hantie Erasmus, Martelize Faber, Danie Fourie, Barbara Geldenhuys, Lydia Gittens, Troula Goosen, Willemien Granger, Riekie Greyling, Driekie Grobler, Estelle Henning, Nita Kearney, Maryke Greyvenstein, Wilmien Kriel, Juria Labuschagne, Natasja Leach, Vi le Roux, Anton Lombard, Henriëtte Louw, Mitz Malan, Letty-Ann Malherbe, Santi McDiarmid, Ansie Nel, Annatjie Padrao, Susan Pieters, Elrien Scheepers, Martie Sipsma, Marietjie Steenberg, Marieta Thüneman, Judy Troskie, Lida van As, Gardiol van de Venter, Julanda van der Merwe, Elsabie van der Westhuizen, Idette Venter, Marjorie Whatley.

 

Zuanné-Marie Joubert skryf:  "Ek wou wag tot my boek Kinders van die wind op die rakke is, maar almal se suksesverhale maak my te opgewonde. Die kursus by jou het my gehelp om hierdie ware verhaal leesbaar en interessant te maak. Die boek het sy ontstaan gehad uit briefies wat straatkinders vir my geskryf het toe ek vir byna ’n dekade lank swerfkinders by my aan huis geneem het. Die afgelope paar maande was daar reeds mediadekking in Finesse, Rekord en Eastern Times." Zuanné-Marie het die Algemene Kreatiewe Skryfkursus gevolg.

 

Anneke Louw skryf: "Vrouekeur gaan my artikel 'Wenke vir jou huwelik van die minnares' in Februarie 2013 publiseer en Lig oorweeg my artikel 'Velcro-baba' vir hulle Maart-uitgawe."  Anneke volg die Kursus in Tydskrifjoernalistiek

 

Pieter Saayman is die Mei-wenner van Vrouekeur se lees-en-stem-wedstryd met sy kortverhaal "Winkelpop". Pieter het die Algemene Kreatiewe Skryfkursus gevolg.  

Maria Prinsloo publiseer by Betathanpaper.

 

 

Maria Prinsloo se verhaal Sprokieland verskyn as oudioboek by Betathanpaper Productions. Maria het die prenteboek-kursus voltooi.

 

 

'Die draakprinse', 'n novelle deur Skryfgeheime-skrywer, Elrien Scheepers, het by Oxford University Press verskyn.

Elrien Scheepers voltooi die Kinder- en jeugboek-kursus en presteer daarna soos volg: die novelle Die draakprinse verskyn by Oxford University Press en die novelle Die wit leeus van Skukuza by Nasou Via Afrika. Sy skryf ook verskeie kort stories vir Nasou Via Afrika se leesreekse. 

 

Gardiol van de Venter skryf:  "Hallo Janie, dankie vir die inligting oor die peuterversies en dankie vir jou hulp om die versies af te rond." 

 

Die keurder skryf:  "Vanoggend sit ek met trane in my oë – oor die versies 'My maatjie' en 'Rolstoel' ...  Dit is wonderlike versies, pragtig en in die kol, oor onderwerpe waaroor die meeste skrywers nie skryf nie, en juis daarom is ek baie bly." 

 

Amanda Claassens skryf: "Oktober is ’n goeie maand vir my! Kuier van 9 Oktober, wat tans op die rakke is, het ’n skryfstuk van my gepubliseer. Dan verskyn my uitgebreide littelosmaker, 'Waar ambisie eindig', in Vrouekeur van 26 Oktober. Nogal opwindend. Intussen het ek ook gehoor dat ’n koffietydstorie, '’n Storie kry ’n stert', in Vrouekeur van 28 Februarie 2014 sal verskyn en 'Drie vir die eet' op Vrouekeur se webblad in November 2013." Amanda het Skryfgeheime se Algemene Kreatiewe Skryfkursus in 2011 voltooi.

 

Tanita da Silva voltooi die Kinder- en jeugboekkursus in 2011. Sy skryf verskeie kort stories vir Nasou Via Afrika se leesboekreekse, asook die novelle Met die potlood. Haar skets "Kat aan die stert beet" verskyn in My Tyd, Rapport. Tanita skryf: "Tot my verbasing het die kinderboekkursus my toegerus om oor genres heen te skryf." Tanita het onlangs ingeskryf vir die Algemene Kreatiewe Skryfkursus.

 

Driekie Grobler skryf: "Janie, ek kom nou net van die GHA se glansgeleentheid af. Dis die eerste keer dat ek aan hulle kompetisie deelneem – en wat 'n verrassing! Van die 10 gedigte wat ek ingeskryf het, is 6 opgeneem in die bloemlesing: Stemme uit die Suiderland VIII. En toe die groot verrassing: my gedig 'Want ek is vrou' is die algehele wenner, en daar verower ek sowaar 'n lekker kontantprys, my eerste outeursgeld. My hart loop oor."


Die oudioboek 'Poetic Fairyland' geskryf deur Jeanette van As.

Jeanette van As voltooi die Kinder- en jeugboek-kursus. Sy presteer met Poetic Fairyland wat as oudioboek deur Betathanpaper Productions opgeneem is en versprei word. Een van haar verhale "Prinses Annabella" is opgeneem in Nasou Via Afrika se leesboekreeks. Sy was maar elf toe dit alles gebeur het.

 

Antoinette Diedericks voltooi die Kinder- en jeugboek-kursus, die Prenteboek-kursus sowel as die Kursus in Tydskrifjoernalistiek. Van haar sketse verskyn in Huisgenoot, sy publiseer ook by Nasou Via Afrika en NB Uitgewers.

 

 Van Elrien Scheepers se gedigte verskyn in die bloemlesings Rymreise (Nasou Via Afrika) en Toulopers (Lapa Uitgewers). Elrien skryf: "’n Jaar gelede was 'publiseer' vir my net iets wat in ’n wetenskaplike joernaal gebeur, nou is die woord  heeltemal anders ingekleur, danksy jou."

 

Lizelle le Roux se kursusverhaal Zolise se droom is deur Vivlia Uitgewers vir publikasie aanvaar. 

 

Marlene Potgieter se eerste werkstuk is in Vrouekeur gepubliseer as “Selfmoord, ’n vreugdesteler”. Marlene skryf: "Ek was totaal en al verstom. Skielik voel ek so 'n klein bietjie trots op myself." Marlene volg die Kursus in Tydskrifjoernalistiek.

 

Erika Bester se eerste manuskrip in die beplande Dragonian-reeks is deur GMTA Publishers in die VSA vir publikasie aanvaar. Erika volg die WriteSmarter Creative Writing Course.

 

lze Beukes voltooi die Kinder- en jeugboek-kursus in 2012. Haar verhale "Spookmeisie" en "Vleisboek-Facebook" is opgeneem in Nasou Via Afrika se leesboekreeks vir skole.

 

Maritza du Preez skryf: "Ek het pas die skryf-die-slot-van-jou-gunstelingsepie-kompetisie in Finesse gewen. Wat nog meer opwindend is, is dat ek vir 'n dag die stel van Binneland gaan besoek en dan ook van die akteurs daar sal ontmoet! Daar is ook 'n werkswinkel met Susan Coetzer ingesluit. Dit is tog op die ou einde lonend om aan te hou probeer."   

 

Jan du Toit presteer met die humoristiese skets "Huweliksherdenking" in Huisgenoot. Hy het die Algemene Kreatiewe Skryfkursus voltooi. 


'Sweepsoldaat van Sondelani' was Madeleine van Nuwenhuys se Skryfgeheime-kursusverhaal. Dit is deur Nasou Via Afrika gepubliseer en word landswyd in skole bemark.

Madeleine van Nuwenhuys voltooi die Kinder- en jeugboekkursus in 2010. Haar novelle Sweepsoldaat van Sondelani is deur Nasou Via Afrika vir publikasie aanvaar. [Sien foto] 

 

Sorietha Hugo skryf: "Janie, ek moet net eers iets met jou deel. Iemand van die Dept. van Onderwys het my Dinsdag gebel en gevra of ek die nuwe Nasionale Lewensvaardigheidswerkboek vir Graad 1 wil skryf. Ek is nou druk besig daarmee, want dit moet teen Augustus klaar wees.  Baie harde werk, maar opwindend. Om te dink ... die hele Suid-Afrika se Graad 1's gaan volgende jaar my boek doen!  Dankie vir al jou inspirasie." 


'Lakadiga, die geheim van die verlore stad' is maar een van Skryfgeheime-student, Troula Goosen, se gepubliseerde novelles.

Troula Goosen voltooi die Kinder- en jeugboek-kursus in 2011 en publiseer daarna etlike werke, o.a. drie novelles:  Lakadiga, die geheim van die verlore stad (Oxford University Press), Liefde is nie lelik nie en Die donker gat (laasgenoemde twee by Nasou Via Afrika). Sy skryf ook verskeie kort stories vir skoolboekreekse.

 

 Dawie Louw voltooi die Algemene Kreatiewe Skryfkursus binne rekordtyd en publiseer o.a. die volgende verhale in Huisgenoot: "Vadersdag", "Om die noodlot te tart", "'Emmertjie vir sop",  "Volmaakte Moedersdag", "Tweede kans", "Huisie in Hoopstraat", "Beelde in 'n bos", "Die waternimf", "Tralita se sprokiesdans", "Tyd vir 'n besluit", "Die vygie", "Lugspieëling", "Vrou met ’n kruik", "Diep geheim" en "Altaarkop". (En nog vele meer ...)

 

Danelle Kritzinger voltooi die Kursus in Tydskrifjoernalistiek. Sy presteer soos volg: die artikel "December Streets" word deur Saltwater Girl vir publikasie aanvaar. Dieselfde tydskrif stel haar as junior vryskutjoernalis aan. 'n Tweede artikel "You too can be a teacher in Korea" verskyn in Teenzone

 

Flippie Jacobs skryf: "Dankie vir alles wat ek al geleer het – hier by die werk praat ek al met gesag oor boeke en manuskripte en die kursus is nog nie eens halfpad nie."  Flippie het die Prenteboek-kursus blitsig voltooi. Sy bundel Totsiens en ander gedigte het onlangs verskyn. 

 

Lourien Leeuwner se gedig "Spesiaal vir die mans!" is deur die Bloemfonteinse Skrywersvereniging in die bundel Inkvars 2013 opgeneem. Sy verower deelname aan 'n skryfskool vir ontluikende skrywers aangebied deur Leon van Nierop. Kougomharte, haar bundel kortverhale en gedigte is onlangs gepubliseer. Sy is besig met die Algemene Kreatiewe Skryfkursus.  

 

Monja Verwey se kortverhaal "Vroumense en vlermuise" is vir publikasie aanvaar deur Vrouekeur as ’n “koffietyd”-verhaal. Van haar kinderstories verskyn in Nasou Via Afrika se skoolboekreeks vir graad 7 tot 9. Monja het die Prenteboek-kursus sowel as die Algemene Kreatiewe Skryfkursus voltooi. Sy is tans besig met die Kinder- en jeugboek-kursus.  

 

'Verraad uit die blou dieptes' deur Tania Fourie

Tania Fourie se kursusverhaal Verraad in die blou dieptes is as oudioboek deur Betathanpaper Productions opgeneem en word deur hulle versprei. Tania het die Prenteboek-kursus gevolg.

 

Pierre van der Westhuizen se foto-artikel "Stap, roei en wild" verskyn in Die Burger (Buite). Pierre het die Kursus in Tydskrifjoernalistiek in 2012 voltooi.

 

Santi McDiarmid se humoristiese skets "Barbierfobie" verskyn in Rooi Rose. ’n Verdere twee sketse "Ontnugtering" en "Vind só jou geesgenoot" is pas deur dieselfde tydskrif vir publikasie aanvaar. Santi het die Algemene Kreatiewe Skryfkursus voltooi.

 

Rykie Greyvenstein se gedig "Spoed" is opgeneem in die Platinum-skoolboekreeks uitgegee deur Maskew Miller Longman (Pearson). Rykie is besig met die Kinder- en jeugboek-kursus.

 

Driekie Grobler se skets "Ver pad na verligting" verskyn in Huisgenoot (Blaaskans), en "Wat die hart van oorloop" verskyn in Kuier. Haar gedig "Wat is 'n held?" verower 'n Woes-toekenning en word oor die radio voorgelees.

 

Driekie sê: "Laas was ek derde, nou tweede, volgende keer eerste."  Driekie het die Algemene Kreatiewe Skryfkursus voltooi en is tans besig met die Kursus in Tydskrifjoernalistiek.


Die novelle 'Patch van Smartietown', Susan Stander se debuut, is deur Oxford University Press gepubliseer. Susan het die Skryfgeheime-skryfskool se Kinder- en jeugboekkursus gevolg.

Susan Stander voltooi die Kinder- en jeugboekkursus. Haar kursusverhaal, die novelle Patch van Smartietown, is deur Oxford University Press uitgegee.

 

Phillip Brand se wenkortverhaal "Gewapende kerkgangers" verskyn in die bloemlesing Nuwe stories 2012, Human & Rousseau. Phillip het die Kinder- en jeugboek-kursus gevolg.

  

Amanda Claassens voltooi die Algemene Kreatiewe Skryfkursus in 2011. Na voltooiing presteer sy soos volg: sy wen die Petru-Nell-skryfkompetisie met haar kortverhaal "'n Blom wat stom is". Sy presteer ook in Vrouekeur met drie kortverhale: "Die losprys", "Die barber se moeilikheid" en "Waar ambisie eindig". 

 

Amanda skryf: "Baie dankie vir jou positiewe terugvoer, dit was 'n lesing op sigself! Ek het so baie daaruit geleer en gaan verseker nog baie daarna terugverwys." 

 

Skryfgeheime-medewerkers aan die digbundel Woorde uit-en-oor Die Groot Karoo sluit in: Francois Joubert, Conrad Cockroft, Ester Beyleveldt, Corrie Cross, Elrien Scheepers, Marieta Appelgrein, Maritza du Preez en Sarlene Horn.

 

Marianne Collen skryf oor genres heen. Sy voltooi die Prenteboek-kursus in 2010. Sedertdien verskyn die kortverhaal "Die sjef en die kunstenaar" in Sarie, die skets "Die wortelkoek" in Vrouekeur en die kinderverhaal Die dingvreter by Nasou Via Afrika. Marianne volg tans die Algemene Kreatiewe Skryfkursus.

 

Sonelle Devenier se skets "Kiemfobie" is deur Vrouekeur vir publikasie aanvaar. Sonelle volg die Algemene Kreatiewe Skryfkursus.

 

Leandra Naude het haar littelosmaker verwerk en as "Andrea se D-Dag" na Vrouekeur gestuur. Dit verskyn op die Vrouekeur-webblad en staan 'n kans om as die Lees-en-Stem-wenverhaal bekroon te word. Leandra is besig met die Algemene Kreatiewe Skryfkursus.

 

Anton Lombard presteer met die verhaal "Sodom en Gomorra" in Vrouekeur. Anton het die Algemene Kreatiewe Skryfkursus voltooi.

 

So skryf Ansie Nel: "Eindelik kan ek ook berig dat 'n kinderverhaal van my, Thumisang and Pulane, sukses behaal het. Nog nie gepubliseer, maar ek het rondgespring van blydskap toe ek die epos ontvang het. Ek het ingeskryf vir die Golden Baobab-wedstryd nadat jy vir ons die inligting gestuur het en my verhaal is vir publikasie aanvaar. Dankie vir die kursus in die eerste plek (waarna ek dikwels terugkeer vir leiding) en vir al die e-posse wat jy steeds gereeld stuur."

 

Madeleen Viljoen-Theron voltooi die Algemene Kreatiewe Skryfkursus. Van haar stories is opgeneem in Nasou Via Afrika se leesboekreekse. Sy presteer ook met die Vonkie-reeks by Fantasi Uitgewers. 

 

Elzareé Cruywagen presteer met drie kortverhale in die bundel My kort vir jou sop, uitgegee deur Boekemakranka, naamlik "Eerste soen", "Gesprek" en "Verflenterde foto". Haar kortverhaal "Vivaldi en Bontrok" is deur Vrouekeur aanvaar. Sy het die Algemene Kreatiewe Skryfkursus voltooi. 


Comments: 1
  • #1

    driekiegrobler (Saturday, 19 October 2013 21:57)

    Dit wonderlik dat Skryfgeheime lede so prestreer, dit wys net hoe lewendig is ons taal en hoeveel talent beskikbaar is om dit nog verder uit te bou.