Leer skryf by die Skryfgeheime-Skryfskool
Ons skrywers word deur bekroonde skrywers opgelei & deur nasionale uitgewers en tydskrifte gepubliseer.
Hoekom skryf ek?
Waarom skryf mense boeke? Hoe skep jy 'n boek uit al daardie belewenisse en idees wat in jou kop maal? Wat en vir wie wil jy met jou skryfwerk bereik? En wie kan aan jou die nodige bystand gee, sowel as opbouende, eerlike terugvoer, sodat jou manuskrip sal groei, en nie halfpad sal verwelk nie?
In wese draai alles om passie: Die drang om kreatief met woorde en idees om te gaan móét daar wees. Sowel as die vaardighede. Want 'n boek verg baie: Dit moet samehang toon, maar ook verrassend wees; oortuig, maar ook ontgogel; uniek, vars en opwindend wees, maar tog logies en sonder melodrama.
Baie mense soos jy het al by Skryfgeheime aangeklop om 'n storie te leer skryf wat vermaak en onderrig, verruk, meesleur en totaal anders, selfs skokkend is - en boonop publiseerbaar. Volg hulle voorbeeld: Kies 'n kursus en ontwikkel en skryf 'n manuskrip wat jy met trots aan 'n bona fide uitgewer kan voorlê.
Skryfgeheime beteken:
* Talle gepubliseerde skrywers by nasionale
hoofstroomuitgewers en gerekende tydskrifte.
* 'n Verskeidenheid
beproefde kreatiewe skryfkursusse om uit te kies, afhangend van jou behoeftes. Elkeen voer jou teen jou eie pas van 'n geskikte idee tot publikasie.
* Kursusmateriaal met 'n logiese opvolging, geskryf in keurige Afrikaans, en talle hulpmiddels voer jou stap vir stap van die vind van 'n storievonk tot 'n voltooide manuskrip.
* Een tot een leiding deur 'n ervare, asook
bekroonde skrywer of joernalis, tesame met kundige terugvoer binne sewe dae, kry jou storie op die rak.
* Billike betaalplanne
en ons geld-terug-waarborg, wat op ons vertroue in ons kursusse dui, maak dit vir jou maklik om in te skryf.
Terugvoer op skryfwerk:
Die terugvoer op jou skryfstukke is kundig, logies, gedetailleerd en maklik verstaanbaar.
Terugvoer word binne sewe dae deur 'n bekroonde skrywer of joernalis afgehandel en dadelik aan jou gestuur sodat jy nie tempo of
belangstelling verloor nie.
Jou kursusleier doen
alle terugvoer direk op
jou skryfstukke met kommentaarblokkies en spoorveranderings,
aangevul deur deeglik
gemotiveerde redes.
Hierdie spoedige, deeglike terugvoer dra direk by tot ons groot getal suksesse: Al daardie nuwe vryskutte uit ons stal wat elke maand deur gerekende nasionale tydskrifte, koerante en uitgewers gepubliseer word.
Jy kan ook by hierdie groep aansluit deur vandag nog met 'n kursus weg te spring.
Klink dit alles tog 'n tikkie intimiderend?
Ontspan, jy is in die hande van mense wat ervare, kundig en simpatiek is. Mense wat ook op hulle dag beginners was en goed weet hoe jy voel. Ons visie is immers om jou op te bou sodat jy suksesvol kan wees.
Jy benodig:
* Die begeerte om jou eie artikel of foto-artikel, tydskrifstorie, skets, kortverhaal of vollengte boek op die winkelrakke te sien, uitgegee deur 'n bekende, betroubare uitgewer of tydskrif.
* Toegang tot 'n rekenaar, e-pos en die internet.
Ons waarborg:
* Oorgenoeg tyd om jou kursus teen jou eie pas te voltooi.
* Kundige, simpatieke terugvoer op jou skryfwerk deur jou kursusleier - binne sewe dae.
* Al jou geld terug indien jy voel jou kursus was nie die moeite werd nie.
Klik vir volledige inligting oor die ...
* Praktiese Kreatiewe Skryfkursus:
'n Geïntegreerde kursus waartydens jy skryftegniek inoefen terwyl jy 'n storie ontwikkel en skryf. Ideaal vir beginnerskrywers en skoliere. (4 modules)
* Algemene Kreatiewe Skryfkursus:
'n Tweestroomkursus waartydens jy 'n publiseerbare kortverhaal, tydskrifstorie, skets, novelle of 'n vollengte roman (dik boek) ontwikkel en skryf. (8 modules)
* Kursus in Tydskrifjoernalistiek:
'n Markgerigte kursus waartydens jy 'n tydskrif- of foto-artikel navors en skryf onder leiding van 'n ervare vryskutjoernalis. (8 modules)
'n Publikasiegerigte kursus waartydens jy 'n opwindende storieboek vir kinders of jong tieners van 8 - 14 jaar ontwikkel en skryf. (10 modules)
'n Unieke, interaktiewe kursus vir die skryf van 'n publiseerbare teks vir pikkies van 2 - 5. Jy vind 'n gepaste idee en bou dit uit tot 'n prettige teks met rym en ritme. (7 modules)
* Manuskripbeoordeling & redigering:
Jy ontvang redigering van of 'n verslag oor jou manuskrip of skryfstuk met talle wenke hoe om jou skryfwerk te verbeter, asook 'n bespreking van die publikasiemoontlikhede.
* Taal- en skryfstylopknapper:
'n Selfdoenkursus vir verbeterde taalkennis, skryftegniek en skryfstyl (70 blaaie, 35 take met uitgewerkte memoranda).
Gepubliseerde studente:
NUUSBRIEF:
Kompetisies
Skryfkanse
Skryfwenke
Maandeliks.
Studente-terugvoer:
Ek het deur jou terugvoer op my werkstuk gegaan. Dis absoluut wonderlik! Ek is al moedeloos met vriende en familie wat nie objektiewe terugvoer kan gee nie. Ek leer geweldig baie by jou. Erica Pretorius
Baie dankie vir 'n heerlike kursus, ek
het baie geleer en dit werklik geniet.
Wil graag nog 'n Skryfgeheime-kursus volg. Net nie seker watter een nie, almal klink interessant. Lindy Schoonees
Jou kursus, en die storie wat jy laas vir my geredigeer het, was van onskatbare waarde, dis ongelooflik hoe baie 'n mens leer wanneer jy deur 'n geredigeerde weergawe van jou eie storie werk. Antoinette Venter
Hierdie kursus is heerlik vars, baie dankie vir jou insette en motivering. Elmien de Klerk
Almal wat wonder of hulle kan skryf, moet hierdie kursusse volg. Ek het ongelooflik baie selfvertroue gekry en ek kon met elke module sien hoe my skryfwerk verbeter. Suretha Brits
Baie dankie vir die ooglopend baie tyd wat jy aan my werkstuk spandeer het. Hierdie kursus was een van my beste besluite vir die nuwe jaar. Johan Kotzé
Ek merk dat die meeste van jou studente melding maak van jou positiewe houding en aanmoediging - dis waar. Marinda van Niekerk
Jou kommentaar het my dag gemaak! Dis opbouend, en ek verstaan presies hoekom jy elke verandering of verbetering voorstel. Martelize Faber
Ek voel dat ek met 'n doel werk en dat elke werkopdrag op 'n gehalteproduk afstuur. Melodie Veldhuizen
Jy verdien 'n pronkveer vir jou skryfkursus. Daar is 'n logiese opbou van module tot module sodat selfs 'n leek soos ek in staat is om die legkaartstukke bymekaar te sit.
Rita Hofmeyr
Skryfgeheime voel vir my soos die deurgang na 'n nuwe lewenswyse. Dankie vir jou kommentaar op my werkstukke en vir jou aanmoediging. Willem Fourie
My woorde lyk nie meer soos 'n vervelige rytjie wasgoed aan 'n lang draad nie. Elsabé Bester
Lees vir ontspanning ontaard nou in 'n kritiese ontrafeling van teks, karakters en skryfstyl. Ek geniet dit terdeë. Johan Nel
Ek het nog nooit 'n skrywer ontmoet wat my so effektief help nie. Elna Nieuwoudt
Alles wat jy uitgelig het, was presies dit waarmee ek gesukkel het. Dit het heeltyd vir my gevoel daar kort iets, 'n "twist".
Ek het ook gevoel my storie benodig ’n opwindende verandering, dit was net te "veilig". Ek is baie opgewonde en sien uit daarna om verder daaraan te werk.
Yolandi Odendaal
'n Mens is huiwerig om te sien wat iemand anders van jou werk dink, maar nou kan ek nie wag om al die wenke toe te pas nie. Alta van Niekerk
Jy groei baie as mens. In jouself en
ook in jou interaksie met mense. Jy leer besef die impak van woorde. Elmarie Schultz
Dankie vir die kommentaar. Dis leersaam, insiggewend en interessant, én dit motiveer my. Jolien Fourie
Ek kan omtrent nie die werkstukke neersit nie! Lenie Coetzee
Ek was so verras toe ek die terugvoer
kry en sien jy kraak nie 'n ou se werk af nie. Marieta Thünemann
Ek gaan dit geniet om ou breinpatrone uit te vee en nuwes te maak. Ek voel glad nie meer afgetree nie! Troula Goosen
Ek sal jou kursus oral aanbeveel. Alles begin nou sin maak en ek geniet die skrywery terdeë. Yolande Fourie
Ek het verskriklik baie geleer oor myself, ander mense én die skryfambag. Jou verbeeldingryke prikkelvrae en praktiese skryftegnieke is die perfekte kombinasie. Riëtte Botma