Skryfgeheime- aanlyn skryfskool

Deelname aan skryfkompetisies is 'n manier om blootstelling te kry, selfvertroue te ontwikkel en dalk selfs 'n prys los te slaan.

      Het jy 'n inskrywing voltooi en nou wonder jy of dit goed genoeg is? 

      Verhoog jou kans op sukses met ons uitmuntende redigeringsdiens. Die terugvoer is gedetailleerd en spesifiek, dit geskied direk op jou manuskrip en is binne 7 dae in jou inkassie. Die gehalte, deeglikheid en vlak van innovering sal jou aangenaam verras.

"Daar is niks so lekker as om voor die radio te gaan sit en die minute af te tel totdat jou drama uitgesaai word nie," sê Albert Short, 'n Skryfgeheime-skrywer en 'n voormalige RSG-wenner. 

      Wil jy in Albert se sukses deel?

      Klik en vind die volle besonderhede oor die RSG-kompetisie HIER

Kort samevatting:

      * Sluitingsdatum: Maandag 1 Augustus 2022. 

      * Inskrywings kan per e-pos gestuur word na radiodrama@rsg.co.za. Daar is geen voorgeskrewe tema nie, en inskrywings moet nuwe en oorspronklike radiodramas wees.

      * Die volle spektrum van Afrikaans se variëteite kan gebruik word. 

      * Slegs een inskrywing per persoon. 

      * 'n Maksimum van sewe karakters word toegelaat.

      * Die duur van die dramas moet tussen 40 en 50 minute wees – 'n maksimum van 45 A4-bladsye wat volgens die wedstrydreëls getik is. 

       * Die totale prysgeld is vanjaar R115 000.  Die algehele wenner ontvang R50 000, die naaswenner R25 000 en die drama wat die derde plek beklee kry R15 000.  Die Jong Skrywer (jonger as 30 jaar) sal ook R15 000 ontvang.  Daar is 'n bykomende merieteprys van R10 000.  

       Klik en vind die volle besonderhede oor die RSG-kompetisie HIER

Die breë tema is "toegang" en skrywers kan die tema vanuit enige belewenishoek in hul kortverhaal belig. Lengte: 1 500 - 3 000 woorde. Inskrywings sluit op 1 Maart 2022 om 12:00.

Vyf wenverhale sal aangekondig word, wat elk aanlyn gepubliseer sal word. Die top drie  sal op RSG Kortom uitgesaai word. Die skrywers van die top drie wenverhale sal elk 'n kontantprys ontvang.

Eerste prys:    R6 000

Tweede prys:  R4 000

Derde prys:      R2 000 

Stuur jou kortverhaal met 'n kort dekbrief na penkortverhaalkompetisie@gmail.com.  

Kry al die regulasies HIER

Hoewel die 2022-Woordfees-kompetisie nog nie amptelik aangekondig is nie, het hierdie gewilde wedstryd met sy groot geborgde prysgeld al 'n jaarlikse instelling geword. Dis 'n goeie idee om nou al te begin skryf en jou storie te slyp vir die 2022-kompetisie. Wenverhale sal in die 2023-Woordfeesbundel opgeneem word.

* Slegs Afrikaanse kortverhale. Enige tema.

* Slegs een inskrywing van 1 500 - 3 000 woorde per skrywer.

* Slegs nuutgeskrewe stories wat nog nie op enige platform verskyn het nie.

Wenverhale wat in die bundel opgeneem word, verdien R5 000 vir die skrywer. Die algehele wenner verower R30 000. 

Sperdatum: 30 September 

Lees hier meer tot verdere kennisgewing.

Die wenners van Skryfgeheime se kortverhaalwedstryd vir distopiese fiksie is pas aangekondig. In die eerste plek is Neandra Bresler met "Tot die laaste druppel", in die tweede plek, Renda Fourie met "Die waarde van hoop" en in die gesamentlike derde plek, Cecilia Hofmeyr met "Blootstelling" en Riaan Conradie met "Die laaste trein na Vryheid". Marelize Swanepoel haal die ererol met "Raakvrate". Lees meer oor die kortkursus vir distopiese fiksie.

RSG en Sanlam se radiodrama-skryfkompetisie word vanjaar 25. Die prysgeld van R115 000 word soos volg saamgestel: Die wendrama ontvang R50 000, die naaswenner R25 000 en die drama wat die derde plek beklee, kry R15 000.  Die beste jong skrywer (jonger as 30 jaar) ontvang R15 000. 'n Bykomende merieteprys van R10 000 word ook toegeken. Buiten die prysgeld word die wendramas op RSG uitgesaai.

Sluitingsdatum: Maandag 16 Augustus 2021

Klik hier en skryf in

Skryf ’n storie van tien woorde met die titel “Vuur in die argief” vir LitNet. Jou verhaal hoef nie noodwendig oor die brand by die UK te handel nie. Die weninskrywing ontvang R2 000, twee naaswenners kry elk R1 000 en ’n derde prys van R500 word ook uitgeloof. Stuur soveel inskrywings as wat jy wil.

Sluitingsdatum: 13 Mei 2021

Lees hier meer

Stuur jou inskrywing na: vuur@litnet.co.za

Innibos pak vanjaar verskeie opwindende projekte aan, soos die Innibos-skryfkompetisie in medewerking met Huisgenoot. Lengte van storie 1 600 woorde, lekker prysgeld. Laai die riglyne hieronder af en spring weg met jou storie.

Sluitingsdatum: 31 Julie 2021

Wesens, die bekroonde Afrikaanse wetenskapfiksiefilm wat in die Karoo afspeel, is nou beskikbaar op DStv BoxOffice. Tesame met die BoxOffice-vrystelling stel The Suits en LitNet 'n filmontledingskompetisie bekend met R15 000 se pryse.

Sluitingsdatum: 9 Mei 2021

Kyk die lokprent hier.

Laai die film hier af.

Lees hieronder oor die kompetisie: 

Hierdie afdelings is betrokke:

* Poësie, Voordrag & Kuns: Graad 1 - 12

* Dagboekinskrywing, resensie, opstel, kortverhaal & fotografie: Graad 6 - 12

Deelname is gratis. Sluitingsdatum: 12 Julie 2021

Daar is drie afdelings: 

• Jeugromans vir jonger tieners (11-13 jaar)
• Tienerfiksie (13-15 jaar)
• Jongvolwassenefiksie (15-18 jaar)

Wil jy inskryf? Laai die besonderhede hier af:

Skryf iets wat uit jou hart kom oor die tema "Wanneer ek jou weer sien" en staan 'n kans dat jou woorde deur Anna Davel, Lizanne Barnard en Leon Ecroignard getoonset en uitgevoer word. Nege lesers kan elk 'n toonsetting van hul gedig wen, sowel as 'n afdruk van 'n skildery oor hul gedig.

Driekie Grobler se gedig "Vryheid" is alreeds deur hierdie groep kunstenaars getoonset en saam met ander toonsettings aangebied. Driekie het Skryfgeheime se Algemene Kreatiewe Skryfkursus 'n aantal jare gelede suksesvol voltooi, laterale denke toegepas en begin dig. En kyk waar is sy nou.

Klik en lees die artikel en vind uit hoe om in te skryf.

Sluitingsdatum: 31 Julie 2020

Hoe reageer jy en die mense om jou op Covid-19? Verveeld? Bang? Kwaad? Bekommerd? Geskok? Verward? Sien jy visioene en vergesigte? Watter scenario's speel in jou gedagtes af? Gaan kreatief om met Covid-19 en skryf die virus uit jou sisteem. 

Jy het 1 500 woorde. Enige genre.

Prysgeld: R1 000 aan die wenner.

Slegs een inskrywing per persoon.

Hierdie kompetisie is sonder fieterjasies, met min reëls en regulasies, maar skryf asseblief jou noemnaam en van, e-adres en selnommer op jou manuskrip en gee jou storie 'n treffende titel. 

Stuur jou inskrywing as 'n aanhangsel by 'n e-pos na info@skryfgeheime.co.za voor of op Woensdag 22 April 2020. 

Slyp jou potlood en pen 'n gedig of kortverhaal neer. Verskillende afdelings met temas en kontantpryse.

Sluitingsdatum: Maandag, 11 Mei 2020

Laai alle nodige inligting hier af

Die verhaal van minstens 25 000 woorde moet geskik wees vir jong lesers iewers tussen 12 en 18 jaar. Tafelberg Uitgewers onderneem om die wenromans te publiseer en behou ook die eerste opsie om enige van die ander inskrywings te publiseer. Groot kontantpryse.

Sluitingsdatum: 1 Junie 2020

Laai die inskrywingsvorm hier af:

Die Poort-skryfkompetisie vind jaarliks plaas, dis ’n projek van die SA Akademie vir Wetenskap en Kuns en het ten doel om skeppende skryftalent in Afrikaans onder hoërskoolleerders te ontdek en aan ’n groter gehoor bekend te stel.   

Lekker pryse! Twintig kortverhale sal gekeur word vir plasing in die Woordfees-bundel. Suksesvolle verhale kan R4 000 wen. Boonop word een van die gepubliseerde verhale met die komplimente van kykNET vir die Silwerskermfees ontwikkel.  

Sluitingsdatum: 30 September jaarliks. 

Hierdie jaarlikse Afrikaanse wetenskapfiksie/fantasiekompetisie word deur Thompson Boekdrukkery geborg, onderskryf en geadministreer.

Sluitingsdatum: 1 Julie elke jaar.

Klik hier vir meer inligting 

RSG en Sanlam se radiodrama-skryfkompetisie. Slegs oorspronklike en nuwe radiodramas word aanvaar. Buiten die drie hoofpryse is daar soms ook 'n spesiale prys vir skrywers jonger as 30.

Sluitingsdatum:  Gewoonlik einde Junie.

Vir meer inligting oor die skryf van radiodramas en hoe om in te skryf, klik HIER 

KLIK HIER en luister na Skryfgeheime-student, Fred Carly, se 2014-RSG-weninskrywing.

City Press en Tafelberg, 'n druknaam van NB-Uitgewers, belê in niefiksie-outeurs deur middel van 'n jaarlikse prys. Die prys van R60 000 word jaarliks toegeken aan 'n skrywer om navorsing te befonds vir 'n niefiksie-boek oor 'n onderwerp wat belangrik is binne die Suid-Afrikaanse konteks.