14 February 2021

Leer by die meesters

Kobus Burger skryf: “Baie dankie vir die deeglike terugvoer op my littelosmaker wat my kop letterlik oopgekloof het. Maar ek besef ook hoe baie ek moet weet en soek verdere leiding met twee haakplekke. Ek sukkel met handeling & lyftaal. Dialoog skryf ek redelik goed, maar ek haak vas met wat die karakters doen. Ook met intrige/verhaallyn. Ek kan ’n toneel skryf waar twee mense praat, maar dan ... wat? Is daar ’n manier hoe ek hieraan kan werk?”

Janie Oosthuysen antwoord: “Een van die allerbeste wenke, iets wat ek jare lank gedoen het en wat vir my van oneindige waarde was, is: LEER BY DIE MEESTERS. En nou is die vraag natuurlik 'hoe'? Die antwoord is: Kry ’n oefeningboek en leen, koop of neem ’n boek uit deur ’n skrywer soos wie jy graag sou wou skryf. Lees dit eers vinnig vir storie en dan stadig met ’n pen in jou hand. Skryf alle woorde, frases, sinne, paragrawe (handeling en lyftaalgedeeltes, beeldspraak, ens.) wat jou tref as iets unieks of besonders, of sommer net sinvol, onder mekaar neer, en lees daardie lys een keer per dag. Net een keer. En net lees. Nie leer nie. Doen dit met boek na boek.
“Jy sal self sien hoe van daardie dinge amper vanself in jou skryfwerk begin sypel en hoe jou uitdrukkingsvermoë verbeter. En moet jou nie bekommer oor plagiaat nie, dis iets wat bewustelik gedoen word, jy sal eerder vind dat jy daardie woorde, frases, tegnieke ensomeer, onbewustelik jou eie maak en jou eie stempel daarop afdruk.
“Gedurende die kursus sal jy presies leer hoe om ’n storie-idee m.b.v. prikkelvrae te ontgin en ’n storielyn te ontwikkel. Maar nou eers vir daardie leeslyste. Dis ontsettend belangrik en een van die sleutels tot my bietjie sukses. Dis ook ’n uitstekende manier om ’n vreemde taal aan te leer. En ek weet dis baie werk, maar dis dit werd.”

Kobus Burger skryf: “Dankie, dis perfek. Ek is gek oor Guus Kuijer (Nederlandse kinderboekskrywer) en Protea het juis van sy boeke vertaal. Die boek van alle dinge is fenomenaal en ek het die Polleke-reeks verslind. Ek lees Polleke juis nou weer om onder die indruk te kom van hoe hy skryf. Ek gaan nou dadelik die oefeningboek nadertrek en leer en lees en neerpen en inadem.” Kobus is besig met die Kinder-en-jeugboek-kursus.

Write a comment

Comments: 0

Gepubliseerde studente:

NUUSBRIEF:

Kompetisies

Skryfkanse

Promosies

Maandeliks

Skryfstudente gesels:

Dankie vir die terugvoering en hoe jy dit gee. Ek vind die kursus interessant, motiverend en uitdagend, en wens net ek het al hierdie inligting al jare terug gehad. Om in te skryf vir jou kursus was een van my beste besluite ooit. Yvette Bester

Dankie vir jou opbouende woorde. Jy het geen idee hoe baie ek al klaar geleer het vandat ek met hierdie kursus begin het nie, jy het regtig geen idee nie. So baie dankie vir al jou hulp. Judy de Bruin

Ek geniet die kreatiewe skryfkursus baie en sien dat dit totaal anders is as om feitelike beriggewing vir die koerant te skryf. Baie dankie vir die goeie kommentaar op die vorige werkstuk. Gert Kruger

Baie dankie vir jou kommentaar, dis in die kol ... ek is oopkop in die ding in, en doen dit absoluut vir die pret en om myself te ontwikkel, en neem nie kritiek persoonlik op nie. Sanél Hopkins

Dis amper soos om 'n nuwe taal aan te leer. Elke konsep wat jy snap, maak skielik tien deure oop! As ek nou die opdrag moes oordoen, sou ek reeds baie dinge verander het. Ek sal 'n paar dae lank rustig deur alles gaan en aan die storie skaaf. Daarna sal ek wegspring met module 2. Sien reeds uit daarna. Molly Lubbinge

Die kinderboekkursus is regtig opwindend en dis my plan om teen die einde ’n volledige manuskrip te hê. Albert Short

Baie dankie vir jou terugvoer, ek het al baie soorte kursusse gevolg en joune staan kop en skouers bo die res uit. Plus, jou terugvoer beantwoord elke keer alles waaroor ek gesit en wonder het terwyl ek skryf. Die enigste probleem is ek wil nie hê die kursus moet ooit ophou nie, ek geniet dit te veel. Melanie Pienaar

Jou terugvoer het my van vooraf geïnspireer. Dankie vir die moeite wat jy doen en die tyd wat jy spandeer aan my probeerslae. Jou wenke is die vuurhoutjies wat die kers aan die brand hou. Celia du Plessis

Ek waardeer jou kursus en al die moeite wat jy doen. Dit bring die realiteit na vore sonder om my op moedverloor se vlakte te laat sit, dit laat my vars en anders dink. Beslis die koste deur en deur werd. Elizma Coetzee

Die terugvoer is wonderlik! Leersaam! Nou is ek so opgewonde, ek kan nie wag om die aanpassings te maak nie. Ek geniet dit gate uit. Yolande van der Merwe

My woorde lyk nie meer soos 'n vervelige rytjie wasgoed aan 'n lang draad nie. Elsabé Bester

Lees vir ontspanning ontaard nou in 'n kritiese ontrafeling van teks, karakters en skryfstyl. Ek geniet dit terdeë. Johan Nel

Ek het deur jou terugvoer op my werkstuk gegaan. Dis absoluut wonderlik! Ek is al moedeloos met vriende en familie wat nie objektiewe terugvoer kan gee nie. Ek leer geweldig baie by jou. Erica Pretorius

Baie dankie vir 'n heerlike kursus, ek

het baie geleer en dit werklik geniet.

Wil graag nog 'n Skryfgeheime-kursus volg. Net nie seker watter een nie, almal klink interessant. Lindy Schoonees

As stokperdjieskrywer wil ek dankie sê vir al die hulp. Vandag, jare na ek vir die kursus ingeskryf het, blaai ek steeds deur die modules en terugvoer en kry sonder uitsondering iets wat my skryfwerk verryk. Dit sluit wenke sowel as motivering in. Jan Bonthuys

Jou kursus, en die storie wat jy laas vir my geredigeer het, was van onskatbare waarde, dis ongelooflik hoe baie 'n mens leer wanneer jy deur 'n geredigeerde weergawe van jou eie storie werk. Antoinette Venter

Die kursusse het vir my oneindig baie beteken. Ek gebruik elke dag in my werk van die dinge wat ek geleer het. Dit het ook vir my die moed gegee om te waag en te skep. Ek het so baie oor myself geleer. Henriëtte Louw

Hierdie kursus is heerlik vars, baie dankie vir jou insette en motivering.

Elmien de Klerk

Almal wat wonder of hulle kan skryf, moet hierdie kursusse volg. Ek het ongelooflik baie selfvertroue gekry en ek kon met elke module sien hoe my skryfwerk verbeter. Suretha Brits

Baie dankie vir die ooglopend baie tyd wat jy aan my werkstuk spandeer het. Hierdie kursus was een van my beste besluite vir die nuwe jaar. Johan Kotzé

Ek merk dat die meeste van jou studente melding maak van jou positiewe houding en aanmoediging - dis waar. Marinda van Niekerk

Jou kommentaar het my dag gemaak! Dis opbouend, en ek verstaan presies hoekom jy elke verandering of verbetering voorstel. Martelize Faber

Ek voel dat ek met 'n doel werk en dat elke werkopdrag op 'n gehalteproduk afstuur. Melodie Veldhuizen

Jy verdien 'n pronkveer vir jou skryfkursus. Daar is 'n logiese opbou van module tot module sodat selfs 'n leek soos ek in staat is om die legkaartstukke bymekaar te sit. Rita Hofmeyr

Skryfgeheime voel vir my soos die deurgang na 'n nuwe lewenswyse. Dankie vir jou kommentaar op my werkstukke en vir jou aanmoediging. Willem Fourie

Ek het nog nooit 'n skrywer ontmoet wat my so effektief help nie. Elna Nieuwoudt

Alles wat jy uitgelig het, was presies dit waarmee ek gesukkel het. Dit het heeltyd vir my gevoel daar kort iets, 'n "twist". Ek het ook gevoel my storie benodig ’n opwindende verandering, dit was net te "veilig". Ek is so opgewonde en sien uit daarna om verder daaraan te werk. Yolandi Odendaal

'n Mens is huiwerig om te sien wat iemand anders van jou werk dink, maar nou kan ek nie wag om al die wenke toe te pas nie. Alta van Niekerk

Jy groei baie as mens. In jouself en

ook in jou interaksie met mense. Jy leer besef die impak van woorde. Elmarie Schultz

Dankie vir die kommentaar. Dis leersaam, insiggewend en interessant, én dit motiveer my. Jolien Fourie

Ek kan omtrent nie die werkstukke neersit nie! Lenie Coetzee

Ek was so verras toe ek die terugvoer

kry en sien jy kraak nie 'n ou se werk af nie. Marieta Thünemann

Ek gaan dit geniet om ou breinpatrone uit te vee en nuwes te maak. Ek voel glad nie meer afgetree nie. Troula Goosen

Ek sal jou kursus oral aanbeveel. Alles begin nou sin maak en ek geniet die skrywery terdeë. Yolande Fourie

Ek het verskriklik baie geleer oor myself, ander mense én die skryfambag. Jou verbeeldingryke prikkelvrae en praktiese skryftegnieke is die perfekte kombinasie. Riëtte Botma

Die kursus was so insiggewend en verrykend, ek het ongelooflik baie geleer. Myself dikwels bevraagteken en gewonder of ek ooit die ding onder die knie gaan kry. Maar ek is nie iemand wat maklik moed opgee nie en ook nie bang om te waag nie. Dankie vir al die handvashou. Adelle von Ronge Kotze

Dis die beste belegging wat ek nog gemaak het. Die kursus het ander wêrelde en deure oopgemaak. Hoop om binnekort met die kinderboekkursus of joernalistiek te begin. Monja Beyers